මාතර දිස්ත්‍රික්කයේ පළාත් පාලන ආයතනයක් ලෙස ක්‍රියාත්මක වන පස්ගොඩ ප්‍රාදේශීය සභාව පස්ගොඩ ප්‍රාදේශීය ලේකම් කොට්ඨාශයේ ග්‍රාම නිලධාරී වසම් 43කින් හා වර්ග කිලෝමීටර් 149.51 කින් සමන්විත වේ. සභා බල ප්‍රදේශයේ සෞඛ්‍ය සේවා, මං මාවත්, ඉඩම් හා ගොඩනැගිලි, ජල සේවා, පොදු උපයෝගීතා සේවා සහ සුභසාධක සේවාවන් ඉටු කිරීම ආයතනයේ ප්‍රධාන කාර්ය වේ.

ප්‍රාදේශිය සභාව විසින් සපයනු ලබන සේවා පොදු පරිපාලනය, මූල්‍ය කටයුතු,තක්සේරු කිරීම් හා ආදායම් එකතු කිරීම, අභ්‍යන්තර විගණනය, කාර්යමණ්ඩල පුහුණු කිරීම් ආදී ව්‍යාපෘති ඔස්සේ ක්‍රියාත්මක කරනු ලැබේ.

සභාව වෙත පැවරී ඇති ව්‍යවස්ථාපිත බලතල ,කාර්යයන් හා යුතුකම් ක්‍රියාත්මක කිරීමේදී හා ඉටු කිරීමේදී  පනවනු ලබන ප්‍රතිපත්ති හා තීරණ නිසියාකාරව,අප්‍රමාදව හා අර්ථවත්ව ඉටු කරනු ලබන බවට තහවුරු කිරීම අපේක්ෂා කරනු ලබයි.